Новото задолжување на САД ќе ја зголеми цената на златото!

Цената на златото ќе биде придвижена од ефектот на зголемениот дефицити на САД и растечката фискална нестабилност, дури и ако не се случи краткорочна фискална криза.

САД се соочуваат со дополнителни 3,4 трилиони американски долари долг во следната деценија со што долгот од вкупно 5 трилиони американски долари

е предизвика долгорочна неизвесност на капиталот и слабеењето на американскиот долар, што е солиден предуслов за да се зголеми цената на златото.

Нестабилноста на пазарот на обврзници веројатно ќе продолжи, на крајот поддржувајќи ја побарувачката за злато како средство за безбедно засолниште.

По објавувањет она новите терифни стапки за увоз во САД, пазарот едвај се опорави, на што со влијание на „Големиот прекрасен закон“ на Трамп за ново задолжување од 3,4 трилиони американски долари, долгот на американската нација ќе биде искачен на 36,2 трилиони долари.

Во текот на изминатите пет децении, цената на златото беше тесно испреплетена со загриженоста околу растечкиот јавен долг на САД.

Националниот долг на САД претставува износот на пари што федералната влада ги позајмила за да го покрие преостанатото салдо на расходи настанати со текот на времето.

Секоја фискална година, ако трошењето ги надминува приходите, федералната влада позајмува пари со продажба на хартии од вредност што се државни обврзници, записи со флуктуирачка каматна стапка и државни хартии од вредност заштитени од инфлација (TIPS) за да го покрие дефицитот.

Американскиот јавен долг расте годишно од 1970 година, освен во 2000 година, кога се намали за 2% поради фактори како што се робустен раст и буџетски суфицит.

Во текот на последните неколку децении, националниот долг порасна од околу 370 милиони долари во 1970 година на рекордно високо ниво од 31,4 трилиони долари во 2023 година

Бројката е уште поголема ако се земат предвид федералните нефинансирани обврски. Тоа се идни финансиски обврски за кои владата се обврзала, но нема доволно средства за целосно покривање, како што се социјалното осигурување и здравственото осигурување. Земајќи ги предвид овие работи, моменталната сегашна вредност на фискалната нерамнотежа е 244,8 трилиони долари, речиси 10 пати поголема од моменталниот БДП на САД.

• Влијание на долгот на САД врз цените на златото

Растечкиот долг на САД често води до загриженост за инфлацијата. Кога владата акумулира значителен износ на долг, таа може да прибегне кон мерки како што се печатење повеќе пари или зголемување на владините трошоци, што потенцијално може да доведе до инфлаторни притисоци.

Во такви ситуации, инвеститорите може да се свртат кон златото како заштита од инфлација.

Дополнително, како што се зголемуваат нивоата на федералниот долг, инвеститорите може да станат претпазливи во однос на стабилноста на финансиските пазари и да бараат средства за безбедно засолниште како што е златото.

Инвеститорите кои ги следат ваквите влијанија знаат дека следуваат и нови дефинирани правила на распределба на средствата. Овие неизвесности многу веројатно е дека ќе ја искачат цената на златото како привлечно безбедно засолниште за инвеститорите кои се движат во нестабилен свет.

Цената на златото исто така генерално се зголеми од почетокот на 2025г, овој пат со поддршка на инвеститорите кои сакаат да ги ублажат различните ризици и од купувањето од централните банки. Навистина, купувањето од страна на централните банки и забрзувањето на тие купувања на кои сме сведоци од 2022 година е голем фактор во јачината на златото. Причините за овој зголемен апетит од страна на централните банки на пазарите во развој за поголеми резерви на злато се повеќекратни, на пр. диверзификација, геополитички ризици и перформанси на златото во периоди на криза.

Довербата на потрошувачите и намерите за инвестирање во бизнисите беа погодени од неизвесноста во економската и трговската политика што предизвика прераспределба на глобалниот капитал надвор од САД, а глобалните инвеститори бараат алтернативни средства како безбедно засолниште на американските државни обврзници.

Исто така, фискалните загрижености се еден од факторите што го поддржуваат пазарот на злато. Разликата помеѓу приносот на американската државна обврзница и фиксната стапка на каматниот SWOP е зголемен - потенцијален знак за фискални загрижености. Со други зборови, сведоци сме на неможноста или неподготвеноста на инвеститорите да апсорбираат емисија на долг или продажба од други иматели на обврзници по преовладувачките цени, што пак врши притисок врз приносите од обврзниците.

Сето ова ги става Соединетите Американски Држави во несигурна фискална позиција.

Пазарот на злато веројатно ќе продолжи да биде поддржан од фискалните прашања на САД, бидејќи пазарот на обврзници ќе остане чувствителен на одржливоста на американскиот долг.

Со оглед дека фискалните загрижености продолжуваат да растат, тие очекуваат дека златото, како алтернативно средство за безбедно засолниште, ќе остане добро поддржано.

Каматните стапки и геополитичките тензии играат значајна улога во движењето на цената на златото, но тие не се единствените фактори. Фискалните загрижености, исто така, имаат влијание. Оваа неизвесност и резултирачката нестабилност на пазарот веројатно ќе дадат дополнителна поддршка на пазарот на злато.